შვეიცარიის გზამკვლევი ფისო

გზის არევა არსად და არავისთვისაა სახარბიელო. განსაკუთრებით კი მაშინ, როცა გარე სამყაროს მოწყვეტილი, შვეიცარიის მთებში სრულიად მარტო ხარ. ასეთ არასასურველ მდგომარეობაში აღმოჩნდა ერთ-ერთი ტურისტი, რომელიც შვეიცარიის მთების დასალაშქრად მარტო გაემართა.

როგორც აღმოჩნდა, მთავარი ბილიკი, რომელიც მის რუკაზე იყო აღნიშნული, ჩახერგილი დახვდა და არავინ იცის, რა დრო დასჭირდებოდა გზააბნეულ ტურისტს ახალი მარშრუტის მოსაძებნად, რომ არა ერთი შავ-თეთრი კატა.

 

როგორც ჩანს, ფისო კარგად იცნობდა შვეიცარიის მთებს და წარმატებით დააბრუნა ტურისტი სასტუმრომდე. მადლიერი სტუმარი იხსენებდა, რომ ფუმფულა გზამკვლევი ხშირად ჩერდებოდა ბილიკზე და უკან იხედებოდა, რათა დარწმუნებულიყო ნამდვილად მიჰყვებოდა თუ არა მგზავრი.

გაირკვა, რომ სხვა ტურისტებსაც ხშირად შეხვედრიათ იგივე კატა მთებში, რომელსაც მათი კეთილგანწყობა და სიყვარული სრულიად დამსახურებულად მოეპოვებინა.

 შეიტყვეთ საინტერესო ფაქტები ფისოებზე, რომლებიც შესაძლოა არ იცოდეთ