ინოვაციური სათამაშო ძაღლებისათვის - ifetch

მოგესალმებით ყველას, დღეს მინდა მოგითხროთ ერთი საინტერესო მოწყობილობის შესახებ, რომელიც ინტერნეტში აღმოვაჩინე და ვთვლი, რომ ეს აუცილებლად დაგაინტერესებთ.

iFetch არის ამერიკული გამოგონება, მოწყობილობა რომელიც ძაღლს აძლევს საშუალებას თავის თავს ეთამაშოს. მოწყობილობას აქვს ბურთის ჩასაგდები ადგილი, ხოლო შემდეგ ბურთს სხვადასხვა მანძილზე აგდებს ან აგორებს. არსებობს მოწყობილობის სხვდასახვა მოდელი, რომლებიც განსხვავებულად მუშაობენ, თუმცა პრინციპი ყველგან ერთია, ბურთს ძაღლი აგდებს შიგნით და შემდეგ მოწყობილობა აგორებს ან ისვრის ბურთს. პროდუქტი გათვლილია სხვადასხვა ჯიშის ძაღლებზე, არის პატარა და დიდი მოდელები სხვადასხვა ზომის ძაღლებისათვის. ასევე არის სახლის პირობებსა და გარეთ გამოყენებისათვის განკუთვნილი მოდელები, რომლებზეც სროლისა და გაგორების მანძილი მართვადია და პატრონს შეუძლია სასურველ მანძილზე დააყენოს.

ასევე საინტერესოა ამ მოწყობილობის შექმნის ისტორია, ერთ საღამოს ჰამილების ოჯახში მოსწავლე ცდილობდა საშინაო დავალების შესრულებას, როდესაც მათი პუდელი ფეხებთან უგდებდა ბურთს და არ ასვენებდა სანამ არ გადაუგდებდა მას. ამ დროს მოსწავლემ გაუაზრებლად თქვა, რაიმე მოწყობილობა შევქმნათ, რომელიც ჩვენს ძაღლს ბურთს გადაუგდებს ხოლმე, რომ მშვიდად შევძლო დავალების შესრულება. ასე გაჩნდა იდეა, რომელიც მოსწავლის პაპამ აიტაცა და ოჯახს გადააწყვეტინა ამ იდეის განხორციელება. მრავალი ასეული საათი დაიხარჯა კვლევასა და პროტოტიპის შექმნაში, შემდეგ პროტოტიპი და პროექტის იდეა დაიდო kickstarter.com-ზე სადაც მათ 88000 აშშ დოლარის ოდენობით დაფინანსება შეუგროვდათ. ეს ყველაფერი 2013 წელს მოხდა და მას შემდეგ ოჯახური ჰობი წარმატებულ ბიზნესად იქცა. 

იხილეთ კომპანიის ვებგვერდი: https://goifetch.com

 

იხილეთ 7 პროდუქტი რომელიც გაგიხალისებთ თქვენს ოთხფეხა მეგობართან ერთად ცხოვრებას: petario.com/produqtebi